საცხოვრებელ კომპლექს „პარკ ბულვარის“ ტერიტორიაზე განლაგებული პარკი საზეიმოდ გაიხსნა!
9 ოქტომბერს, მულტიფუნქციურ საცხოვრებელ კომპლექს – „პარკ ბულვარის“ ტერიტორიაზე განლაგებული 8 ჰექტრამდე რეკრეაციული პარკი – საზეიმოდ გაიხსნა. შეიძლება ითქვას, რომ „პარკ ბულვარი“ ერთადერთი კომპლექსია თბილისში, რომელიც გაშენებულია უშუალოდ მტკვრის სანაპიროზე, სადაც გზის გადაკვეთის გარეშე შეგიძლია მოხვდე ბულვარსა და პარკში.
პარკის ინფრასტრუქტურა მოიცავს 2 კმ-მდე სიგრძის ბულვარს, 5 კმ-ზე მეტი სიგრძის ველობილიკს, რომელიც არ კვეთს სამანქანო გზას, სათამაშო და სპორტულ მოედნებს, სხვადასხვა ასაკის ადამიანის ინტერესებზე მორგებულ გასართობ და დასასვენებელ ზონებს, ასევე შინაური ცხოველებისთვის განკუთვნილ სპეციალურ სივრცეს. ტერიტორიაზე დაირგო 10 000-ზე მეტი ხე-მცენარე. აღსანიშნავია, რომ თანამედროვე სტანდარტებით მოწყობილი არაჩვეულებრივი გარემო სრულად არის ადაპტირებული შშმ პირებისთვის. მასშტაბური რეკრეაციული პარკი პროექტს მეტად მიმზიდველს და გამორჩეულს ხდის მომავალი მაცხოვრებლებისთვის. „პარკ ბულვარს“ ყოველდღიურად უფრო და უფრო მეტი მობინადრე ემატება.
პარკის საზეიმო გახსნას კომპანიის დირექტორი, სამთავრობო და ბიზნეს სექტორის წარმომადგენლები ესწრებოდნენ. ქალაქის მწვანე საფარის განვითარება ჩვენი მომავალი თაობისთვის გაღებული შეუფასებელი საჩუქარია. მულტიფუნქციური კომპლექსი „პარკ ბულვარი“ ხელს უწყობს ურბანულ განვითარებას, ქმნის სივრცეს, სადაც მომავალი მობინადრეებისთვის იქნება ყველაფერი ცხოვრების მაღალი სტანდარტის შესაქმნელად.
